منتديات المرقاب الأدبية - عرض مشاركة واحدة

20-03-2009, 03:25 AM

ياالله يا خــالق جـميـع المـخالـــيق
يا محصي(ن) خلقه ولا هو بخافيــــك

انت الذي قادر تفـكّ المغـــــالــيق
قادر ولا غــيرك بــقادر يبـــاريك

اطــلب عسى الدنيـا عليّـه توافــيق
القى بعــدهاجنّـة(ن) يوم انا جيــــك

لا وا عــذابي يـوم انا بالشـــواهيق
اذكــر سنين(ن) لـي مضـت في نواهيك

ساعة اطــيع القلب في حــزّة الضيق
اتبــع خطـى شيطان غــاوي وعاصيك

نوب(ن) ورا خفــرات مثل المصـافيق
نوب(ن) اساهـر ليـلة(ن) في معاصيــك

مخطـى وغاوي عاصي(ن) لك طواريق
مانـي بجـاهل عارف(ن) ما يراضــيـك

اعرف مصيـري والخلايــق مماحيق
والمال زايــل والسمــا في أيــاديــك

مير البــلا شيطـان له زيـن تنسيق
زيّن معــاصي ليــن تا قــع خطـاويك

ثمّ(ن) تبــرّا غاوي(ن) قال مـاطيق
عــذاب ربّـي لا ومـــانـي محــاميك

ياالله ياغــافر ذنــوب المخالـيق
اغــفر ذنوبـي قــبل ساعــة الأ قـيك

المبدع ::: عبدالله الرقيب