أسعد الله أوقاتكم بكل خير جميعا
هذه قصيدة متواضعه مرثيّة بالمرحوم بأذن الله / متعب الديري
أسكنه الله فسيح جناته وألهم أهله وذويه الصبر والسلوان



[poem=font="Simplified Arabic,4,black,bold,normal" bkcolor="white" bkimage="" border="groove,5,black" type=2 line=0 align=center use=ex num="0,black"]
الموت حق ودام حناّ على الدرب=ما يجزع ألاّ اللي بلياّ عقيدة
ومن يستعن بالله ما يلحقه كرب=سبحان من يعطي ويأخذ عبيدة
واللي مجاله طيّب ومعدنه ذرب=يعيش ذكرة لو طوا الموت قيدة
واليوم بقعا سيفها لاح له عرب=هو متعب الديري عزيز البديدة
وأبو فهد ما هو فقيدة على حرب=على جميع اللي يعرفه فقيدة
أنا عرفته تالي الوقت عن قرب=نعم الرجل نعم الخصال الحميدة
وجهه بشوش وخاطره دائما" طرب=وبالدين مع ربيّ حباله جويدة
راعي هلا يوم الكرم ميزة العرب=هيف السمان وشوفة الضيف عيدة
والعرف عندة خاشر الأكل والشرب=والحكمه وجزل البيوت ابقصيدة
أقفا وعقّب من صقور السعد سرب=وأستلموا عهود المراجل من اييدة
درّبهم وكل" على منهجة درب=النار مشبوبة والأرياء سديدة
ياالله أنا طالبك يا فارج الكرب=أجزل ثوابه في جنانك وزيدة
وعسى السحاب ليا تحدّر من الغرب=يمطر على قبرة ويسقي صعيدة[/poem]
وسلامتكم

زود(ن) على مجد السلف للخلف مجـد
******** ضافـوه للمجـد الرجـال الأمـاجـد
المجـد الأول نجـد والثـاني بنـجـد
******** فالملتـقى اللـي فالقـلوب أمتواجـد
اللي بجـد صدر الزمن بالفخـر بجـد
******** من رأي أبو محمد ورأي أبو مـاجـد


للمراســــله
Abo-Yazeed-2007@Yahoo