السلام عليكم ورحمة الله وبركاته
سعدت بتشريف وتكليف المارد الأحمري لي هنا

http://www.montada.mergab.com/showthread.php?t=44591

فكان هذا الرد المتواضع :



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابن الإحمر وأنت راعي سياده=شاعر وفالشعر عمّي وسيدي
إعلم انك لا طلبت الإفاده=ما يجيك الا الكلام المفيدي
عند من كمّل وجوب الوفاده=للقريب من العرب والبعيدي
ضيفهم يلقى لراسه قناده=كيف من بن اليمن والعويدي
والشحم مقدار والطيب عاده=مارثة جدان علمٍ وكيدي
والسوالف مالحقها انتقاده = والقصيد من الطراز الفريدي
ها وأعود لسالفتك المراده=ولاني بناشدك وش قلت ميدي ؟
دول العالم شعوب ٍ وقاده=تدري بمقدار (فهمي هويدي)
شف بياض العلم واترك سواده=الحرم ماهوب وسط البجيدي
لا امتطى بوزيد صهوة جواده=دون شفه مايضده ضديدي
ودودي الفايد ما سرّه وداده=وفي وفاته ما توفى شهيدي
علّم السلال يقضب بلاده=وأنور السادات خله بعيدي
الرشيد اخطى طريق الرشاده=وخورشيد وطاح في خو ..رشيدي
يابن الإحمر كبّ عنك النقاده=ياحزامي فاللزوم وعضيدي
كيف تبغى ( آشبّ حرب الاباده=دون رجمٍ فيه حيدك وحيدي)
وانت ضمن مكبّرين الوساده=يوم صوّت بالعشا بن مهيدي
من تهاون ما يحصّل مراده=لوّ شيطانه رجيم ٍ مريدي
والله يالولا العزم والاراده=ما ذُكر في غامد أبوجعيدي
وانت وآنا رمينا بالركاده=بالمحبّب والرصاص الثميدي
ما نولّع نارنا في عراده=لاهي بفيدك ولاهي بفيدي
ولا نظمنا الشعر لعيون غاده=جعل ما يبقى على الأرض غيدي
المهادي ساطيٍ من مهاده=لين نافس شهرة ابن الوليدي
لا تعد الزرع ساعة حصاده=كان ما طلعه بطلعٍ نضيدي
وأي جرحٍ ما يحصل ضماده=يبطي وهو ينزف من الصديدي
القناه تبثّ من غير إعاده=والقضيه بين ( شبل ٍ وعيدي )
(والتحكم من مقر القياده)=ودها من يدْك والا من إيدي[/poem]