المرقابيه الغالين
السلام عليكم ولارحمة الله وبركاته

أمل أن تروق لكم

[poem=font="Traditional Arabic,7,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطير في خاطرك شي امتخَفّي=متغيرٍ طبعك وضايق ومحزون
دايم على همك جناحك مظفّي=كنك بظف احد الجناحين مطعون
هذا وانا اللي في لزومك موفّي=شايلك وسط العين واغلى من النون
لافرّع القناص طيره ورفّي=والكل في طيره مولع ومفتون
أعد نقلك هو غرامي وشفي=وتزهاك في عيني تواصيف وعيون
ياما معك عنيت ساقي وخفي=مااسمع من العذال مهما يقولون
واشغلت فكري معك لين إستخفي=وادخلت في بالي هواجيس وظنون
اقبلت لك لكن اشوفك مقفي=في كل يوم الحال من دون في دون
واخاف لااحصلك يوم متوفي=ويروح معك السر ياطير مدفون
عقب المعزه مايجوز التجفّي=ولاني بمستانس معك وانت مغبون
اللي حصل من طول صبرك يكفي=والحر يرجع حر ماهوب مسجون
انا نويت اطلق سبوقك بكفي=واعتقك ياطيري مثل طير بن عون[/poem]