*
*
اخيـر ماتبـدي بـه القيـفـان
خلاقنـا رزاقـنـا الرحـمـن
المعطي المغني وسيع الرحمـه
اللـي رزقنـا نعمـة الايمـان
اللي عجايـب قدرتـه تلقاهـا
من قبل تطلـع نـص بالقـرآن
من بعد ذكر الله تزيـن ابياتـي
وينشد حمام الشعـر بالالحـان
ويجود طاروقي ويسمـو قافـي
واغنـي ابياتـي وانـا طربـان
وان كان فابياتي مدحت الخايب ؟
عساني اقضي العمر دون لسان
معـوّد لسانـي فمـدح الطيـب
اللي سوات مبـارك السكـران
رجل ٍ مزايـاه الحميـده عـدّه
فـي عدّهـا ماتكفـي القيفـان
شف العرب جمع الذهب والفضه
وهو شفه الترحيـب فالضيفـان
ومن كثر مايذبح ويصلخ يمكـن
مع السنين يخلـص الخرفـان
وجهه بشوش وسيرته محموده
واسمه مع الشيبان والورعـان
ان شاب راسه ماتشيب فعولـه
شايب ولا كنـه مـن الشيبـان
شيبه وقار وهو وقار لـشيبـه
يزيد شان الشعر الابيض شـان
شوق الهنوف الترفه المزيونـه
ماهيب وحده .. اغلب النسـوان
وعون الضعيف اللي بليا حيلـه
لابينـت روس المشاكـل بـان
يقص راس المشكله فـي رايـه
ورايه مسنن يشبـه لـشامـان
وتواضعـه للمسلميـن جبلّـه
ويبين انه رمـز .. للاحسـان
لنا ثمان سنيـن جيـران ٍ لـه
ولانحـس انـه معـه جيـران
كن جدنا ويـا السنافـي واحـد
اخوان له مع مشفي وضيـدان
لـ \ فيصل الدوسري
2 \ 5 \ 2009 م