احبتي


بدون مقدمات .... اليكم هذه المتواضعه


وقبلها ...ودي



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ميل على قمة المرقاب ملهوف = يتشوف سهيل لكن مل ماشاف
وقف شوي وجلس ماطول وقوف = تعبان من جور وقتٍ مابه انصاف
حول شماغه ولفلف جبة الصوف = من تحت زندٍ تعب من حمل الاكتاف
لو يستوي منظر المرقاب والطوف = ما كان متوسدٍ له حيد مشراف
جنيه اللي يحوك الشعر مكتوف = والليل من دون وجه سهيل ينعاف
لو كان غيره ذبحه الوجد والخوف = مايقدر انه يوصف نفس الاوصاف
الهم ما ينوصف والفقد مخلوف = يحلف برب السماء ماعنده خلاف
جته القوافي مع وناته صفوف =ما كنه الا على شباك صراف
والفلسفه لا تكلم شلة ضعوف = مايحكمه غير شرع الله والاعراف
وان صارت السالفه تسليم مصروف= عز الله انه ليوفي حق الاحلاف
ما دام عسف القوافي طبع مألوف = يجيبها للخيال اشكال واصناف
ويقول ابو زيد يامرقاب معروف = لو غاب محراف يخلفه الف محراف
قصيدٍ احلى من الرمان مقطوف = يبل عرق الكلام وحلقه الجاف
يشوفه اللي حِرم من نعمة الشوف = واللي بلا سمع يوحي رنّة القاف
يغيب وان جاء يبرّد كل سرجوف= مضمون نفع العسل لو ينوكل حاف
لا يطعمه كل حسادٍ وملقوف = خلى لهم قاعةٍ ضحله وهو ناف
دام النّشاما على طاروقه ضيوف = حرام ما تلتقي يا (ش) بل (ك)
من وين يبدأ وفكر الناس مخلوف = لا صدقت في مباديء عِرف وعرّا ف
ياجمرةٍ والعه في داخل الجوف = تحت الرماد وسنين المغرم عجاف
مكتوب حرف اسمك ولا حوله حروف = قصة عذابه وجلدة صدره غلاف
من يوم رحتي سراب وعذرك ضروف = وهو يحسّب لعمره طاف ماطاف
زودتي الهم.. هم وصار مردوف = مجروح لكن حلف ما يطلب اسعاف
صحيح والدرب صار رماح وسيوف = ام الغلا ما يعوّد صوب الأ تلاف
يوم ان ودك يصير الجرح مكشوف= ليتك تركتي صوابك بأيّ الاطراف
الله خلق لك فؤاد وصار منصوف = والسالفه تكتمل في شرح (الانصاف)
ما ينشدك عن عطايا عين وكفوف = لأنك بخيله و(قلبك نصفه) اجحاف
يمر درب التعب من أه... لا...أوف = واقسى من الدرب قولة كسر مجداف
اما يجي قلبك يصافيه ويروف= ولا عسى لا يجي من يمك اطياف
لو تنتهي في يديك اشناب وزلوف = هذا الشنب ما يجي به درب الاسراف
بكره تقولين لون الوجه مخطوف = مع ذكر رجال يكره جمع الاصداف
وان امتلى (نصف قلبك) هم وحسوف = لا تذكرينه لأنه مل ماشاف
وسلا متكم[/poem]