السلام علكم ورحمة الله وبركاته

اعتذر للجميع على التقصير

وقصيده متواضعه للتواصل


يقول
___


[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بـٌرد على ( ضو كبدي ) ياهوى الغربي = النفس مستاجعه .. والعين مشتاقه

فارقت رجال .. ومفارقـه مـأثربي = ولا كل رجال ! .. بستاجع من فراقه

مالي عذر !! لو بجامل واتعذربي = ومالي بعد ذنب ؟؟ ولا في يـٌدي طاقه

تكفى يا ( سرب الحمام ) بـ رحلتك سربي = خذني من الأرض ,, صوب الغيم وآفاقه

القلب ( جـمــٌر ) وأرب السحب تشعربي = يمكن !! ( براد السحاب ) يطفي اشواقه

ولا انت !! يامن على ( منفاي ) حادربي = ماغصت في ( مهجر الاحزان ) واعماقه

ناظر عيوني .. ودورني ووربي ؟ = وفـتــٌـش فوادي .. من الطاقه الى الطاقه

ان كان عينــٌـت ! مخلوق ٍ معزربي = غيرك ! .. فــ لا ترحم الماسور بوثاقه

وليتك الروح .. في سلمي وفي حربي = ورايتــٌك في قمة (( الخفـٌاق )) (( خفــٌاقه ))

هواك في ( روحـي بروحـي ) مغيـٌربي = وغلاك من ( ضلعي بضلعي ) بنى رواقه

ذكراك ( ظلي ) .. ونشوة صورتك ( دربي ) = ومعاك !! ماعاد لي بالعالم شفاقه

ماقول : لاشفتني عقب السفر .. طربي = اقول : طـيــٌر ( كمد ) غاليك .. بعناقه

لاتهدي الورد ,, وانت رياض مزهربي = الورد خدك ,, وطلة مبسمك باقه

( بـؤس الـشـعـراء ) ليلة حزن تسهربي = و ( شـعـر الـبـوسـاء ) فجر ٍ يبهج اشراقه

صعب أشتهي قرب ! من لا يشتهي قربي = من حـب فرقاي .. ماني كاره فراقه

حتى ولـو ضاق صدري ! ياهوى الغربي = عند الله الباب : مفتاحه ومغلاقه

مادمت مـرتـاح .. في زادي وفي شربي = لـقـمـه على فاقه أخـيـر من مـيـة نـاقـه
[/poem]




وطــــــــولــة عـــمــاركـــم