السلام عليكم ..بويتات لعلها تحوزعلى شي من أعجابكم..

يا لابس ثياب غيرك ما تجي قدك
غدابك أكذب مثل (مافصل الا لك)

ان كان فعلك وقولك واقف ٍ ضدك
لا تلحق الناس لوم ولا يهيالك

البس ثيابك وقفْ كلك على حدك
مايخدع الناس و شلونك ووش حالك

ثوب ٍ ماهوب الك ما يسترك لو ودك
تكبر مع الناس به ويكبر ضلالك

أعرف يد الطيب لاوالله ماهي يدّك
تكرم يد الطيب عن يدك ويد اشكالك

يا للي عن الطيب مردود ٍ ماحد ردك
والطيب فعل ٍ لبوك وعمك وخالك

والله ما اعدك وغيري ماحد ٍ عدك
يا شارب الماء بلا ذراعك ولا حبالك

ما هوب فعل ٍ لبوك ولا فعل جدك
فعلك لحالك تفضل فعلك الحالك

وان كان ثوبك نهار العيد ما سدك
عافاك ربي لكنْ لأنثاك وعيالك