يامسفر ابن حسين نفسي نعوشها
ثلاث حطت فوق راسي عروشهـا
خوت طليق احجاج شروى سنايدي
مسفر ليا ساقت همومي جيوشهـا
والثانية . من شوق عيني وسعدها
شوفت رفيقي والمراجل يحوشهـا
بالطيب والفزعه وبالفعل والكـرم
ماحاش دنيا والتهى في قروشهـا
والثالثه هيـات ربعـي وفعلهـم
لامر طاري زادت الروس شوشها
قبـل الموحـد وسـع الله منزلـه
الارض غابه والقبيلـة وحوشهـا
هذي هوى بالي وشفي ومنوتـي
لا صار كلـن منوتـه ماينوشهـا
وابشـرك ماهمنـي مـن تزينـت
حتى لو اسهوم المنايـا رموشهـا
بينـي وبينـك خـط لازم تمهـده
من شان يجذب للمناطق طروشها
نقش الهلاليين في صمت الصخـر
نفنـا ولا تفنـا معالـم نقوشهـا