[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أشتكيت المشرف وقام المدير=يفتل مع المستشارين أشنبه

قلت حكم الظلم هذا ما يصير =قالوا المقرود حظّه ينكبه

يا جماعه لا تقصّون الضمير=بالشروط السالبه والموجبه

ما بقى به لا قليل ولا كثير=أتهجّا الحرف وأزريت أكتبه

كيف أردّ الشّيب والخاطر كسير=كل ما شببّت قافي شيّبه !

لا طمرت الشرط بالقاف الاخير=من قرا ( مخرج 3 ) ينتبه

أعذروني كلّ ما أوقّع وأطير=دايم الملتاع مثل المشتبه

ما يشير ولا يدوّر له شوير=وباحث الأسباب ما جاب أسببه

سالك ٍ قلبه على سلك الحرير=لو يجرّ السلك قلبه يقلبه

مير يا الدحمي يا بو قلب ٍ كبير=لو توافق كنّك اعتقت ارقبه

قل خلاص وتم والدنيا بخير=ومن يحبك لا تزيده حبحبه

دوّر من أصحابنا شاعر خطير=وأحشره حتى تبين الموهبه [/poem]


طبعا انا هنا ادون الاعجاب فقط .. ولا أوافق على مانص به
والامر راجع لمدير .. اللجنة .. واللجنة ..!!

والله يعينكـ عليهم