وش اللي مزعلك يا عمير والدنيا ظلال عصيـر
تميل وميلة ظـلال العصـاري مـن يعدلهـا؟!!
تريح واقضب الكرسي وزانك وان طرى لك سير
على ساق وقـدم وازعـل مـن الدنيـا وزعلهـا
لكن ان طعت شوري قبل ترمي با الرشا فا البير
توكـل يـا عميـر ولا توكـل قـبـل تعقلـهـا
واخذ مني سيجارة واستمع واسف علـى التعبيـر
انا قصـدي عبـارة والسيجـارة ماهـي اولهـا
بسيطه ما علينا وش نبـي بـا العـذر والتبريـر
نبـا نبـدا الحكايةوافتـح عيـونـك وفنجلـهـا
حكايتنـا مـن التاريـخ والـقـران والتفسـيـر
وعقـل الشاعـر اللـي حلـل افكـارك وحللها
لاني غير وانته غيـر واللـي راح اقولـه غيـر
ابيـك تركـز وذاكرتـك الاولــى تجاهلـهـا
تذكر سورة النمـل وسليمـان وحديـث الطيـر
ونملة وصـت النمـلات تدخـل فـي منازلهـا
وعرج لي على قصة سبا وابغـى النبـا تقريـر
يوضـح ويـن موقعهـا علـى الارض وقبايلهـا
خذ التوراة واقراها خذ الانجيـل ( زور الديـر)
(ودير الزور) والقدس وعـدن حتـى تحصلهـا
ما ابيك تقول ( قالت جدتي عن جدها)0 يا عمير!!
انـا وش لـي بغلطـة جدتـك حتـى اتحملهـا
علىظهرك تحمل وزرها لـو كـان كيـل بعيـر
انا مالي دخـل فاوزراهـا اللـي فـوق كاهلهـا
واذا يا عمير راسك داخ واعيـا مخـك التفكيـر
اخـذ منـي سيجارةوالعبـارة صـح واشعلـهـا
انا بشرح لك القصة مـا بيـن الحـق والتزويـر
وابسطهـا علـى قـدك واوضحهـا وافصلـهـا
لكن اوقف على راسك ودخـن وافهـم التعبيـر
ترى التاريخ واقف فـوق راسـه وانـت كملهـا
سبأ في سورة النمل وسليمـان وحديـث الطيـر
ماهي دولة سبـأ مـارب وصـح لسـان قايلهـا
وذلحين احـذف الكرسـي وراك ولا تأخرطيـر
على خف وجناح ( ازعل من الدنيـا وزعلهـا)!!
تبـــــــاركـ
الخلاّق جل جلالـــه
لله درّكــ
ياحمــــد ...
نص
غامض
وراااائع
مفتوح
للتأويل
على كذا
موضوع
وماأجمل الشعر
حينما
يجبركـ
على التحليل
والتفسير
والتأويل ..
قسم باالله
إنكـــ
شــــــــاعر
من النوع المتفّرد
شاعر
غيرررر
مبدع
بكل
ماتجود به قريحتكـ
ولكن
اين
انت من المنابر
حتى تعلّم
من جهل الإبداع
وتخرس
افوااااه
المستشعرين
الذين
اشغلو الدنيا
بلبلةً
وملؤوها
فراااااغاً
دمت
دمت
في حفظ الباري
ولافض فوووكـ
ولعلّكـ
باالوجود ...
<><><><><><><><><><><><><><><><>
|