المشاركة الأصلية كتبت بواسطة سداح
أخوي فايز ابو رجيله
بحكم اني عشت معاناه مريره في هالموضوع
اقول لك يا فايز تبيني اساعدك حاضر عندي صور لزملاء الصف الثاني ابتدائي تشكيله مختلطه رائعه
تبغاني ارسلها لك علّمني
أصحاب الصور الله يذكرهم بالخير خمسة ..
واحد مدرب بالحرس الوطني حاليا برتبة ثقيل خفيف .. والثاني سائق سيارة اسعاف بعد أن ترك التفحيط بس عنده مشكلة حنينه للماضي أحيانا يزعج المرضى المنقولين معه .. والثالث مسجون في قضية مديونات شرا نياق العام وحل سداد مبلغها وتوسدّها .. والرابع لازال عاطل عن العمل ويبيع مسابيح في أحد أكبر الاسواق الشعبية .. والخامس انا يا محاكيك
ومن حسن الحظ جميع الأصدقاء المزايين مالهم علاقه بالشّعر يعني مستحيل يكتشفون مسألة إختلاس الصور ونشرها هنا
لكن فيه امر مهم لازم تتفق مع كم عضو مرقابي .. تقول ترا بجيب صورة واقول تراها صورتك .. طبعا مع تقديم المغريات المادية او ما توفر في جعبتك من مصروفات نثريه تدفع بعجلة الموافقه
..
الله يعمر بيتك ياعم علوان
تدري عطني صورة واحد مزيون وشكله حليوه وابغى اختار عضو شكله قفله وشاكوش واقول هذي صورته وهو صغير وهو بما انه قفله ويشوف الزين راح يوافق (ويسوي يعنني مادريت)
لكن تدري شكرا عشانك مشاركني هذا الهم و تبا العلم لاعاد نلعب لعبه فيها ابو داحم يعني اذا جاب لعبه جديده انطنشه ونلعب انا وانت (مقطار)