مقادير ماهي تعرف ظلال وشمـوس
تحـط الهقـاوي بيـن شمـسً وفيّـه
تحتحت ورق الأشجار وتجفف رسوس
وتغرق بعيد الشـوح وسـط الركيّـه
اللـــــــه
المستــــــعان ..
%%%%%%%%%%%%%%%
وكم مرّةً هوجست ماعنـدي هجـوس
على شان يرضى كل طيّـب سجيّـه
ولاهمني المسحوب لو صار منكـوس
ولا طـاح عنـدي شايـل السامريّـه
الله الله الله
مبـــــــدع
وكبير يابو يحى ..
%%%%%%%%%%%%%%
ومن قال هذا اللي تشوفـون ملبـوس
وعنـده مـع المـارد علاقـه قويّـه
فلا بألتفت في بربسـة كـل بربـوس
بليّـه وفـعـلاً ذيّ شــرّ البلـيّـه
أهندب وأنا ماني من الجن ممسـوس
ونار القريحـه كـل الأوقـات حيّـه
ولكن بعض الأحيان يلحقني حسـوس
تخلينـي أبلـش بيـن هَيّـه وهَـيّـه
هنا جرة الطاروق ما تبـري القـوس
وهنـا الهندبـه معـدومـة القابلـيّـه
وذا اليوم بالتحديـد سيـده ومعكـوس
بعـد مـا جرالـي قصـةٍ عالمـيّـه
مع عاملً يلبس على الـراس كبـوس
وبنقالـي المنشـا وهنـدي الهـويّـه
لكيـعً وضيـعً بالريـالات مهـووس
وعلى النصب والتدليس نفسه جريّـه
تقاولت أنـا وإيـاه وآخـوه قـدّوس
وثـلاث سْنـوات وكـلّ ذمّـه بريّـه
أسمّن له البخشيش ظاهر ومدسـوس
وعلى ما أتفقنا مـا نقصـت العطيّـه
هذا يوم كان الدرب بالعقـل مقيـوس
وقبـل آتـورّط فـي نقـيّ ونقـيّـه
ومن يوم مسّكت الجمل خط جامـوس
وأنا عارفً إنْهـا روحـةٍ دون جيّـه
إلى جيت أعدّل وضعها حستها حوس
وتالـي نتـاج أزماتـي المصرفـيّـه
مع العامل المذكور والعلم محسـوس
عطيتـه حسابـه مـا عطيتـه هديّـه
تلفـت تلفاتـة شمـوتً ومـديـوس
وتمتم نفـر كنجـوس وأشّـر عليّـه
ومـن أدوّر لـي مترجـم وقامـوس
عرفت إيش معنـى كلمتـه الأجنبيّـه
ياسلااااااام
على السبك والسلاسه
والحبـــــــك الفاااااخر ..
%%%%%%%%%%%%%%%%
أنا يامحمـد خـان مانـي بكنجـوس
ولكـن ظروفـي يـا محمـد رديـه
هههههههههههههههه
كنجوس ...........
%%%%%%%%%%%%
بغيت المراجل لكن الحـظ منحـوس
وعلى مـا أعتقـد نحاستـه سرمديّـه
إذا قلت قم ياحظ والطيـب مغـروس
تجي قومتـه مـع وجهـة الجاذبيّـه
ولاهو من الخزرج ولا هو من الأوس
تقـول إن مشكلتـي معـه مذهبـيّـه
لذلك مشيت ودست درب الخطر دوس
ولا فيـه شـيً يـرفـع المعنـويّـه
نثرت الورق والاّ الورق كان مدبوس
وذبحت النظـام بخنجـر الفوضويّـه
جبلّة نقـا ماهـي سياسـات سايـوس
آثارِ النقا فـي الوقـت هـذا خطيّـه
زمنّا زمان ذيول ماهـو زمـن روس
كسر ريشـة الشيهـان ذيـل الحديّـه
ومدّ اللحم للفاغر اللي بـلا ضـروس
وكـم فاغـرً قامـت تـدارج لحيّـه
وضاعو النشامى بين طليـان وتيـوس
تقول إن هذا فصـل مـن مسرحيّـه
وفيه البطل شاهد وقاضي وجاسـوس
ولا بـه قضيّـه بـس جابـو قضيّـه
مادام إن روس أموالنا كـروة تكـوس
فـداك الـورق يالعملـة المعدنيّـه !
يموت المقصّ اللي تبع جرة المـوس
ولو عاش مدري عـن نوايـا خويّـه
كذا يا محمد بانـت جبـال وطعـوس
وهبّـت ريـاحً مـاهـي بموسمـيّـه
لحس ملعقة مذخورنا كـل ملحـوس
وعريف الفصيل أصبح يقود السريّـه
(سلامات يا قطوً على الخط مدعوس )
بغـو ينقذونـه قـال دقــو تحـيّـه
لو إن ربيّ أعطاني عمارات وفلـوس
عطيتك عطاً ماقد حصـل لـك حليّـه
ولكن ترى المسرى على ضوح فانوس
توكل على الله وإنـص نجـد العذيّـه
وفيها تبـي تلقـى دينّـات وجمـوس
مصافيـط حـول عمـارة الفيصليّـه
يبادونـك الثنتيـن دبسـا ودبّــوس
يا سـرج العبيّـه يـا شـداد المطيّـه
بتدري بعدها إن أكثر الشعب كنجوس
وكلّه من أسباب الظـروف الرديّـه !
******************
تبارك الله
القادر المتعااال
لافض فووووكـ
يابو يحى
والله العظيم
انكـ
ارويتني شعر
حق سنه قدااااام ..
صح لسااااانك
واعتلى شااااانكـ
%%%%%%%%%%%
|