اهداااااء
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=right use=sp num="0,black""]
وين انت غايب وين ياراعي الذود= هذا شهر بالضبط وين انت غايب !!
غيرك ليامن غاب ماهو بمفقود = والا انت شمسك جعلها ماتغايب !!
عساك دايم ياأبيض الوجه موجود = وتعيش ياراس ٍ يسدّ النوايب !!
يابو يمين ٍ تفعل الطيب والجود = وابو هلا للضيف والا القرايب !!
وقفتك ماتحتاج برهان وشهود = وذراك يذري عن سموم الهبايب !!
وسيرتك منها فايح المسك والعود = وفزعتك تغني عن جيوش وكتايب !!
وخوّتك منها صرت من زود في زود = ورفقتك خلّت ضايق البال طايب !!
واليا نصاك اللي من الوقت مضهود = وراسه من الايام والهم شايب !!
يلقاء رفيق ٍ ينقل الحمل ويذود = ويشيل ماشالت ظهور الركايب !!
طبعك ووارثها من آباء وجدود = ولاهو غريب الطيب يالاد ذايب !!
قوم ٍ تهدّ بعزمها شامخ الطود = وعدوهم قبره عليه النصايب !!
وان صار حبل الوقت مثني ومعقود = بأمر الولي عندك حلول النشايب !!
عساه عمر ٍ عن غثاء الوقت محسود= وعساه راس ٍ ماتجيه المصايب !!
وجعلك تعيش ابخير ياراعي الذود =وشمسك عساها دايم ٍ ماتغايب !! [/poem]
|