[align=center]
جوني اشيوخ الحزْن ! بـ .. ثيـاب وبشـوت
وانتزعوا امـن الصّـدْر .. كـلّ انشراحـه
***
عن العيـون اخفيتهـم ! لابـس الكـوت
واخـصّ فـي ذلـك : اعيـون الشفاحـه
***
الشيـخ منْهـم .. قـام يبنـي لـه ابيـوت
حتـى ابيـوت الشّعْـر ! خذهـا مساحـه
***
لهوا ! عثوا فيهـا ! وحتـى علـى الصـوت
استأثـمـوا فيـنـي .. وزادوا وقـاحــه
***
أقسى عذاب ٍ ذقت .. لا صـاروا اسكـوت
ويقـول شيـخ الحـزْن : هـذا مزاحـه !
***
أحـسّ فينـي .. معركـة عيـن جالـوت
القلب طاح ! ومـا سمـع صـوت صاحـه
***
الحـزْن هـذا ! مـا مـن اطباعـه الفـوت
الحـزْن هـذا ويـش ؟ يــا لَلَبجـاحـه
***
أظن ما هـو حـزْن ! انـا اظـن طاغـوت
وخوفـي يـلاقـى فالحبـيّـب مـراحـه
***
يا حبيّبي .. خذ مـن هنـا هـرج مكبـوت
هـرج العيـون اليـوم .. أُطلِـق سراحـه
***
اتصدق انّـي صـرت عطشـان للمـوت !
عطشـان أقسـى مـوت ! يعنـي قراحـه
***
ما كـنّ انْـا فـ ..الأرض ! كنّـي ابتابـوت
ذبحنـي امـن النـاس .. كثـر السمـاحـه
***
( ماي ) الدموع ! وشِعْر فكري هو ( القوت )
تشقـي مسـا طـارق ! وتشقـي صباحـه
***
دمعي ! جرح خـد ٍ غـدا منـه منحـوت
وشعـري ! نـدواي ٍ كسـيـر ٍ جنـاحـه
***
أنا الـذي .. دمعـه يعيّـش 100 حـوت
وأنـا الـذي .. شِعْـره يزيـد انفضـاحـه
***
الدمـع دمّ ! ولونـه ادهـم مـن التـوت
والشّعـر .. دكتـور امتخصـص جِراحـه
***
يا حبيّبي ! ليـه انـت ساكـت ومبهـوت ؟
لا تندهـش ! مـا جـاك غيـر الصراحـه
***
أكثر مـن دموعـي تبـي هـرج مثبـوت ؟
وش حيلـة اللـي صـار دمعـه سلاحـه ؟
***
يكفيني انّي شيخ فـي عيـن هـ .. ( النـوت )
هـذا يحسسنـي ابـ .. متـعـه وراحــه

[/align]