[poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جرهدي الصمت والليل وظلامه = واشهب اللال و مراويس النجومي
والسكون اللي بلغ ذروة سنامه = وشاسعات البيد تزمي يوم ازومي
الهواجس سقتها سوق الجهامة = والنجايب درهمت فوق الغيومي
مادريت الا بسجعٍ للحمامة = تكسر الحاجز وتنشدني علومي
وانهمر ودان من غرّة غمامة = لين سيّل للهضاب وللحزومي
قلت ليل ! السجع من حولة علامه= قالت الاحوال لا يمكن تدومي
قلت ممكن اسئلة؟ مابه ملامة= قالت احذر ! ممكن بحسب السلومي
قلت أعالي نجد والا من تهامة = قالت الإثبات شاهد و الختومي
قلت للسبع المثاني فيه شامه = قالت استرسل بعد من غير لومي
قلت شهر وشهر يستنطق كلامه =قالت اصعب شيئ تحقيق الحلومي
قلت من حرص وحذر ساق اتهامة = قالت احداهن تقضي للزومي
قلت كره وقل تقدير احترامه = قالت الا العكس عن نقص محشومي
قلت ليه البخل حتى بإبتسامة = قالت الإحساس حدد لي رسومي
قلت درب وفيه يمشى بإستقامة = قالت الأملاك وقف ولا تسومي
قلت دربك ياحمامه بالسلامة = المواقف تفرض لصمتي وصومي

[/poem]