|
مـن زاد مـاله... زاد حـشـمـه وتـقـديـر
السلام عليكم ورحمة الله وبركاته
متواضعه عسى ان ترتقي لذائقتكم
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من زاد ماله زاد حشمه وتقدير=وجهة نظر... ماهو لزوم احترمها
لن المعزه ماتجي!! بالدنانير=والناس ماتحشم!! سوا من حشمها
رجلٍ تحزم بالرجال المناعير=مالد عينه للبنوك وسهمها
ومن لا عذر غيره فلا له معاذير=والطيبه غنيمةٍ واغتنمها
كلٍ وله مبدا ومنهج وتفكير=على الدروب اللي ضميره رسمها
والقاف..لو يرفع مقام الشواعير=كل الدول..شعارنا بتحكمها
أحدٍ غدا عنتر..وأحد سالم الزير=خيال شعارٍ تزايد وهمها
تمدح شيوخٍ ماتقود الطوابير=وان كبرة القاله..تنكس علمها
بس الزمن ذا غير واللي مضى غير=اقولها واللي فهمها ...فهمها
أزريت أكابر يا زمان التعازير=طبعك طموحات الفقير إتهدمها
ناتج..طموحي في حساب المقادير=ما يقبل!! القسمه على من قسمها
والهاجس اللي كل ماجاني إمغير=عوّد على نار الهموم وشعمها
يحدّني صوب الوعر والشناظير=وآرد نفسي عن طريقٍ كتمها[/poem]
وسلامتكم
|