استاذي مسير لا هنت و جزاك الله خار..

سويت نفس الطريقه اللي قلتي لي عليها

و مشت معي ميه ميه

و سويت ريكوردينق

و بدأ يسجل و الثواني تعد بسرعه

و يوم خلصت التسجيل سويت ايقاف للتسجيل و قام البرنامج بحفظه

بس مدري وين الارض اللي هو حفظه فيها..

رحت لملف ماي كام ريكوردنق اللي في المستندات و لا لقيت فيه الوذره..

ها عاد وين ابا القاه هالحين.. ما تعلمني؟؟؟؟


شف يا مسير انا عندي لك طريقه تنفع معي انا و عبدربه...

الا وهيا:

انك تسوي كل شئ تصوير فديو و تنزله هنا.. و عساه ينفع معنا بعد..

انا اموري سالكه... لكن البلا المطوّع.. لنا سبوع نحاول فيه و لا نفع معه..

ما يفهم على سيره ابن الحلال
حرس وطن.. وش ترجي منه غار استعد استريح.. و داقش يا خفير..

و حنا ما و الله نفك الموضوع هذاه لين نفهم زين و خاصه حـِـبـيبـِـي ابو حوّا...

تراك على اجر ما علاك .. و الله يخلف على تعبك هذا اهم شي

في انتظارك طال عمرك..


برايفت حق حبيبي ابو حوّا..

قاعدة سو تسذا و سو تسذا هي اللي خلتني افلح و اركب البرنامج
ماهوب مثلك لك اسبوع تحوّس في جرّتك عييت تقطع الفـِرجه

خل هالحين فلسفة الدسك الصلب و الهاردسك و الفريم وورك والسكربتات و البربسه هذي اللي مدري وش مذهبها خلها تنفعك هالحين

و ان طعتني خل عنك البرامج هذي و رح داقش فالخفاره بالبندق و الخوذه
و الله الله بالطماق و الشد السفري

<<< دبلوا تسبده العسكران في اسكان الحرس بسوالفهم