[poem=font="Courier New,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أنكان مستقبل عيالك يهمك = سكّر على الحاجه بخزنه ومزلاج
حتى أخوك اللي من( ابوك ومك ) = لايدري أنك يابيض الوجه ( محتاج )
وأحذر من أخوانك ومن ( بني عمك ) = ( الصمت حكمه ) والمقادير درّاج
يمكن ولد عمك يساقيك سمّك = وأنته تخاف من ( الفضايح ) والأحراج
ولاتلتفت للي ليا / أقفيت ذمّك = خلّه على ماقالوا / البدو ( مسهاج )
وليا / أمتلا صدرك وقزّاك همّك = لاتشتكي وقتك على كل دواج
كبّر على صدر الليالي معمّك = تصبح لك الدنيا ( قطيفه وديباج )
وأحذر من ( أبليس الجماعه ) يخمّك = فرقاه ( للقالون والقرحه ) اعلاج
خلّك بحر ماغثرب الطين جمّك = هادي وتخشاه المراكب ليا هاج
بالك يفور من المقادير دمّك = الوقت ماغير ولاشي فــ سواج
وللضيف والعاني ومن مال يمّك = خلّك لهم عدٍ كما عد هدّاج
نفّذ لهم لو ضامك الوقت كمّك = ترى الحياه أيام والناس هرّاج
[/poem]


للتاريخ فقط

أغلب الأبيات أعلاه قد لاتتلاءم مع العرف والمنطق فيما / مضى ولكن هي فالحاضر عين العقل ورأس المنطق وقد عارضني الكثير من الشعراء والنّقاد لأتكاءهم على المثل ( خشمك خشمك لو كان أعوج ) !!
والحقيقه أنا أقول ياجماعه خلونا نتكلّم بالواقع المشاهد والمعروف فنحن الشعراء أو القصّاد لسان الواقع ولسنا مزيفين ومفبركين فنحن نعيش واقع ملموس وأعتقد أنه لايخلوا بيت من هذه المعاناه فقريبك أصبح عدوّك !!

سامحوني على صراحة هالقصيده وجرأتها