[frame="2 80"]عبدربه بن عتيق
ياعبدربه
عبدربه اسعد الله جميع اوقاتك بكل خير
ثم امابعد
يابن العرب ياتابعٍ موضة الغرب
ـــــــــــــ وين السلوم الطيّبه والعوايـد
وراك ماتابعت نورٍ على الدرب
ـــــــــــــ وطبّقت ماجاء فالسنن والعقايد
وشنيت فوق إبليس واللي معه حرب
ــــــــــــــ حتى تهيّا لك جميع الفوايـد
وتامن نهار الحشر من شدة الكرب
ــــــــــ يوم العمل بالوزن .. ناقص وزايـد
إن تسان تبغى العز والمجد للعُرب
ـــــــــــ وبعدٍ عن أصحاب الفتن والنقايـد
خلك مع دروب الذرابه تجي ذرب
ــــــــــــــ ولاتروم ألاّ وساع البنايـد
مْن الصحاح اقرب .. ولاتقرب الجرب
ـــــــــــــــ ولايغرّونك كبار الموايـد
المرجله ماهيب بالأكل والشرب
ــــــــــــ وألاّ بتاليف القصص والقصايـد
المرجله تبقى مع البعد والقرب
ـــــــــــ ضلعٍ على الرخمه ؛ معدّاه تسايـد
يمشي بها الرجال .. وتصير له درب
ــــــــــــ ويفرق بها عن لابسات القلايـد
عبدربه
اشهد بالله انك مدرسه ولست مجرد شاعر
رغم تميز قصايدك بقلة الابيات
ولكن لكن كل بيت في صميم العظم
تباني اعلمك الله لايضرك وبس
تقبل مروري[/frame]
|