مساء العطر ...

متواضعه أمررها لقلوبكم الطاهره اتمنى ان ترقى لذوائقكم الكريمه ...

وآآعيني اللي ما تكفكف هميلها = وآآروحي اللي صبرها ما يشيلها
زايمت نفسي لين كبرت مواجعي = همٍ يراجفها وهمٍ يخيلها
وأرهيت لين الحزن شرّع مفارصَه= واستاق روحي لين قصّر طويلها
يرهي مضاريبه ويسرد خناجره = ودفعات بطشه مثل الافعى شليلها
تنَازعت روحي وروحي ملاعَها = من فقد نوف وكسرتي من رحيلها
بطشة مقاديرٍ اتداحم على النحر = والنفس مافيها رخا من حصيلها
وادعتها والدمع تحرق مرارته =روحي بعدها وين تلقى خليلها
وادعتها والجمره اضحى لهيبها = بأصخف عروقي كل جايد قبيلها
وادعتها والليل سبّل مكانفه = والموحشه تقبل وترقص بذيلها
وادعتها ما آجود باللي وناستي = في مفرق اوجنْها وذعذاع نيلها
لكنْ غصب وغيّب الله معونتي = واستجفلت خيلي وقادت بخيلها
تواقدت ريداي من قو بطشها = وفزوع من سندّت سيقت بحيلها
تنقض مفاتيلي وتجَزر بفقدها = وآآآحاه من شبتْ عليّه بويلها
وآآثلم كبدي وآآشماتة نهايتي = غافل وروحي بار فيها عميلها
مالومها واللي فطرها بضامري= ودروبها غربه ولا آآرشد دليلها

وسلامتكم ....