منتديات المرقاب الأدبية - عرض مشاركة واحدة

07-07-2003, 05:15 PM

بيني وبين الشمـس هــالات ودروب =ياصل شعاع الشمس لو ماوصلته

يذوب بافاق الفضاء غصب.. واذوب =وإن ملّ حمله فوق كتفي نقـلته

ادنى غلاك امحققٍ عرش محبـوب =واقصى غلاك بموق عيني كحلـته

ياكحل عيني ..يابعد ناظري ..تـوب =التوبه اولى من مصيرٍ جهلـته

اذهبت حالٍ من عنا الوقت مذهـوب =يحول عن حاله ورى ماسألته

غلاك باقي وإن نقص شي يادوب =تحتل عرشٍ قد سبق وإن نزلـته

مكتوب سلطانك على القلب مكتوب =يبقى ولو حاولت ازيله ما ازلته

والبارحه مرت علي جرح واذنوب =ماغادرتني لين حالي ثكلته

نعيت عمرٍ عاش ماعاش مسلوب =واليــوم في خنـجر غرامك قـتلته

قلت:- الفراق, وصحت منكوب منكوب =ياويل حالي ليتني ماقبلته

لا والذي حطك على القـلب منصوب =إنك بريت الحال بري ونحلـته

عشقك لبسني فالخفا لبست الثوب = ولا فيه شيٍ منك غير احتملته

ويوم انتحا الخافق رجع منك مصيوب= وكنك بمذروب المشده نشلته

اسرفت فيني سرف ماهوب ماجوب =تسررف بمخلوقٍ ومنّك وختلته

ارفق بحالة سيف طالبك مطـلوب =ادخل على الله وش بقى ماعملته؟

قل أمين ..... لعلها ماتعود

.

.

.

.

.

.

.

.

.

حتى تخليك تكتب عشرين شامخه زى ذى ثم ترجع عاد

.

مجنووووووووووووووووووووووووووووووووووووونه
ويل حالى .............. اجرمت

أحساس .. حرفنه .. إبداع .. جروووووووووووووووووووووووح ....

لله درك

أخذت من الجزاله والارهاف الشى اللى جعلنا نعيش معك الجو

دمت للشموخ يابو عبيد وللشعر

لو كتبت من هنا إلى ملا نهايه ماهى موفيه هذه الشامخه

قبله لجبينك

ولك تحياتى