السلام عليكم


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه عديت نصف الليل في الضلع المويق = ارعا النجوم الساريه واسامر الليل وحدي
واكوسر الالحان مع صوت الهوى من مايليق =من شعري وطرقي واهيجن للنسايم واحدي
ولا دريت ان الهوى يثر في الاحساس الرقيق = وان الطوري تحدي المهموم للهمومه حدي
لاعادك ضلع شكّلة انت وهمومي فريق = لين انعمس بالي وضاق الخاطر وكَلّ جهدي
والضيقه اللي دايماً معها مغير اغفى وافيق = جتني تسوق ركابه وتقول انا حان وعدي
ياهاجس الافكار خذني من طريق ليا طريق = سهيل نجمٍ في السما لاغاب ماغاب الجدي
ولو ضاقت صدور الرجال الارض لايمكن تضيق =وان ملت ياراسي ماعنزتك على راحت يدي
ان كان مال الرجل في وقته عدو ماله رفيق = وفي ذمتي مايجهل حقوق الرفيق الا الردي
والا العدو والله ما احسبّ له وجعله في حريق = انا اجودي لكن بعض احيان ماني بأجودي
وصديقي اللي دايماً يرسي معي مرسى طويق = مغير واحد هو حزامي في اصدقاي ومسندي
وقت الضروف القاسيه هذا هو اخوي الشقيق = والله لولا الله ثم لولاه يمكن لا اغدي
اغلا صديق اي والله وفي ذمتي واوفى صديق = متعب ولد مسعد ولد سعدي راع الكف الندي
معزّته في سد وجهي دامني حراً طليق = وان مت اباوصي في ابو خالد اخواني وولدي
[/poem]

!!

.
.