"



"


/


[poem=font="Simplified Arabic,6,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ماجور يا اميرً عظيمه مزاياه=فيه الشجاعه والسطر والرجوله
وفيه الكرم والجود من مد يمناه=وطيبه يسابق في بلاده فعوله
وماجور..ياحراً على العز مبداه=له منزلً بالطيب محدً يطوله
حنا جنوده في المهمات نفداه=وماعاش من فكر يجي بس حوله
وماجور يامن مشلح الطيب يزهاه=اقولها والناس دايم تقوله
اميرنا اللي مالقينا حلاياه=في هرجته في فزعته في قبوله
نلقى السعد والخير لامن وصلناه=يروي كبودً ضاميه ومعلوله
وماجور ياراعي الوفا طيب الجاه=يامن كسب تاج الفخر والبطوله
في خدمة بلاده مع الحق مسعاه=وفيّ في قوله وشعبه وفوله
والخاين الغدار في النار مثواه=ماهوب كفوً للوفا لو ينوله
الله وقف دونه وحطم نواياه=جاه القدر من قبل ساعة وصوله
خلاه عبره للمعادين خوياه=اهل العقول اللي بحقد مغسوله
وهذي تزيد الحر عزمً بدنياه=يامن فداك الكون عرضه وطوله
اصرارك المعهود بالعين شفناه=وذولا نهايتهم تجي بالسهوله
الله حمى دينه من اقصاه لا ادناه=وعز البلاد وعز راية رسوله
ولاّ الخبيث إن طال راسه نسفناه=ونمسح به البيداء على كل جوله
حنا رجال الدين ونعزز بناه=وسلاحنا الايمان في كل دوله
ومن غرروا فكره وخابت سواياه=يلقى مصيرً ينبهر من ذهوله
ويالنايفي من هان نفسه وطيناه=مثل العذاب اللي سريعً نزوله
حنا معك في سلم ولا معاداه=والمتن واحد لوّ تزيد الحموله
وماجورياحراً على العز مبداه=له منزلً بالطيب محدً يطوله
حنا جنوده في المهمات نفداه=وماعاش من فكر يجي بس حوله..؟؟[/poem]



"



"


/

/\


اقصر قصيده قلتها تازن لها بعيني هرمّ
.....والبيت منها في ضمير الشعر يسوى ملحمه

يكفيني إني مرضيً ذاتي ولوّ ماني نجمّ
.....كم نجم ماله نور والشرهه على اللي نجمه


\/