تسجيل حضور .. عسى ان يرتقي لذوائقكم ,

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اغبط اللي كل مايتلى من القرآن آيه = ارتجف قلبه وجل .. واغرورقت بالدمع عينه
ليت لاقدامي مثل ماله على درب الهدايه = وليت لاحساسي مثل ماله من احساس السكينه
تكتب الاعمال وسنين ٍ مضت ماهيب جايه = تذوي الريح الغصون .. وياخذ الموج السفينه
تخدع المرء الحياه وغفلة الانسان غايه = عند من يبذل قواه لفتنة المؤمن بدينه
ليه نعطي للنفوس الحق في حق الوصايه = ليه نبقي قيمة الالباب للظلماء سجينه
المحجّه بيّنه في صحّة اسناد الروايه = والادله دامغه بالمعطيات وبالقرينه
اوجز الهدي الشريف اكرم مفاهيم العنايه = وفرّط العقل الكفيف بفرصة الفوز الثمينه
الندم يكفل نصيب الذنب من حسن الرعايه = قبل لا يستعذب التوبه شعور الطمأنينه
عن درايه يوقن المسلم و يخطي عن درايه = والقنوط اقسى الصفات اللي لها يندى جبينه
رحمة الله واسعه واليأس لايدلي برايه = ماعليه الا يبوء ويرفع لربه يدينه
يفرج التسبيح كرب .. وترتفع بالعفو رايه = بعد ماتستمسك الروح بعرى الله المتينه
يكفي النفس التأمل في تفاصيل الحكايه = من شعور مواجه الكعبه ومحراب المدينه
كل شخص ٍ مايحدث نفسه الايمان .. تايه = وكل فكر ٍ مايقدم شئ للأمه .. غبينه
[/poem]

.




ss15s1@hotmail.com