صديقي وصديقكم فهد بن مطر الغنامي .. في دورة مظلاّت فحبيت مواساته وشد أزره بطريقتي :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يافهد بالله صارحني وقل لي = وأن نشدك الأحمري بالله قل له
أنت روقي ماأنت سامر بامجلّي = تصفق الجالات ما يدخلك ذلّه
وش تسوي ليلة القفز المظلّي = وأنت متعلّق بسلكً في مظلّه
كل قاعً بك يبو مازن يهلّي = والسما فوقك ولاهي مسفهلّه
يا تنط وتمسك السير المحلّي = يا تبنط لك على خزان فلّه
أن سلمت من المدلاّ والمدلّي = ما سلمت من العوارف والمبلّه
قفزتك من بعدها ياللي وياللي = تنتشر وسط الجريده والمجلّه
يا تعوّد بعدها شيخً مصلّي = أو تعوّد مختلف مذهب وملّه !
بس لا ترجع عتيبيً مولّي = يستضيفونك قنـاة المستقلّه
لا تقول المتر ماهو بألف ملّي = وإعرف إن العلم ما قد جاك كلّه
الرساله ذي على بنـد التسلّي = باقي اللي ما تزوع بها الترلّه
سقتها لك يالعتيبي من محلّي = يوم كلً يافهد ماسك محلّه
وأنت ويش تشوف يالروقي المظلّي = لا تفك السلك وتضيع المظلّه !
[/poem]

فقال أبو مازن أثابه الله في رمضان وعاقبه في غير رمضان :

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يبو يحيى كل عقدً وإله حلّي = والذكي مافيه عقدً ما يحلّه
كيف تنشد وأنت بالمسرى تدلّي = لا تكون اللي برد حرّه وغلّه
أنت خابر ياأحمري طبعي ودلّي = ما آتظلّل بالبيوت المستظلّه
يذكر من الموبقات أمر التولّي = متكل بالله . والتوفيق بالله
آتعلـّى قدر والحظ متعلـّي = وآتمشـى في المراقيب المطلّه
كان ربي كاتبه لي في سجلّي = كل مخلوقً وله مافي سجلّه
والوعد يابو شنب مخرج حولّي = والطريق يطول والمخرج ندلّه
بأظهر الخابي وألحـّقه المفلّي = ثم أقول إلك أبرك لحملك وشلّه
ما نذل ولا نمل ولا نكلّي = يوم بعض الناس يبكي فقد خلّه
جاك من غرب الوطن مزنً يهلّي = أدع ربك في مقرك لا يبلّه
بس أبي منك الوعد كانه حصل لي = تجمع الشلّه على فنجال دلّه !
[/poem]

من الذكـاء متابعة طاش ما طاش
........ وأكبر غباء إنـك تتابع خـواطـر !