تموت البشاير في وجيه الزمان السـود
ويبقى لوجهي وجـه .. ماكـف برّاقـه
اسامر قضية خاطري... والهجوس شهود
ونبض الحقيقـه مـل .. مامـل خفّاقـه
لك الله ..ياوسم الزمن في خفا الملهود..!
مياسمك لكبـود الرياجيـل .. حرّاقـه !
تعدّي بك اجيالٍ .. وتقفي عليـك جـدود
ولا ادري متاه يضيـق حلقـي بترياقـه
اشيل بيديّـه للبواقـي .. قفـل وقيـود
وقلبٍ لا ناش الذنـب .. عـوّد لخلاّقـه
على القصد اسايسها وتاقف عن المقصود
وانا ماني مخالف.. ولا " قاطع السّاقه "*
اغني هجوسي للسماء... ولهبوب النـود
أغني من الحرقه ..وصبري علـى فاقـه
وانا ماني ضعيّف ولانـي قليّـل ..فـود
ولكـن نفسـي تجبـر الجـل لدقـاقـه
تمر السوالف مجلس العيـب والمنقـود
تبلـل حلـوقٍ للمناقيـد ..شفّـاقـه ..!
على جلها واسفافها .. مانـي بمحـدود
ولا لي جمل مـع جالبينـه .. ولاناقـه
واعق المجالس مجلسٍ ماربـاه الجـود
به يضيق راع الكار .. وتقفّل أخلاقـه..!
مشعل
والله العظيم ان قصيدتك من اروع القصيد
استمتعت بإسلوبك الشعري الراقي
صح لسانك
واعتبرني احد متابعي شعرك وجماهيرك
|