هذا ردي عليك يابو خالد والمعذره تراه ارتجال لوجود اشغال لدي ورمضان شياطينه مربطه وانا اخوك.
[poem=font="Simplified Arabic,5,#831E08,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
تحت السمى فوق الوطى ياللي تحَسب الما يروب=من حٍقدك وحٍسدك خلطت اللماسها وإنحاسها
واخفيت ماس اهل الوفا من شان خضاض الغروب=والناس قوم الماس تعرفها وتعرف ماسها
الرزق من رب البشر والكون. حلال الصعوب=سبحانه اللي يحيي الغرسه لاجل غراسها
واللي علشانه تطامر يدري بقوم الوجوب=اهل الوفا واهل الصفا من راسها لا ساسها
الصدق والاخلاص واضح فالقبايل والشعوب=يبين من نظراتها وأنفاسها واحساسها
والكذب والتزوير محدٍ يجهله في كل نوب=يظهر لو تبسّم لك أسنان العرب وأضراسها
اللي من اجل المال تحفد لاخمون ولانصوب=ناسٍ على شان المكاسب ماتحسب إفلاسها
والناقه اللي لاركوب ولاجلوب ولاحلوب=عسى العدا تملابها تال الزمان اكياسها
والجالب ودلالها والشاري لسهم الحروب=اما كلاشنكوف والا من سهوم اقواسها
شوف المصايب والحرايب تصطلي من كل صوب=من فرسها لارومها لاقدسها لاواسها
دارت رحاها يالعطاوي وإطحنت كا الحبوب=والسبه اما كيسها والا بسبة كاسها
اخير لي واخير لك نبعد ونتجنب جنوب=ونشوف من يكسب ومن يصبح وَسَط قرطاسها[/poem]
|