غزليّه متواضعه تتمنّى العبور كماهي..

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تبين الصرآحه عقب ليل التجافي طـال=ولاطلت معك الحاجه اللي شقيـت بهـا
أنا ماأحسد التاجر على جمعه الأمـوال=ولاأغبـط شيـوخٍ رافعتهـا مناصبهـا
أنا أهنّي السلسال في منصب السلسـال=علـى لبّـةٍ ماكـل شـيءٍ يليـق بهـا
تقلّد هنـوفٍ دونهـا يقصـر الرّجـال=غصيبه ولو في شيمة الأصـل ينسبهـا
هذا المنصب اللي دونه الروس والأبطال=تطيح وتطيـح بشوتهـا عـن مناكبهـا
مقام وذرى وظلال والجار حبّـة خـال=لو إنّـي مكانـه كـان ذبـت بترايبهـا
ليا داعب الغربي طرف عودها الميّـال=بـدت تنثنـي ويميـل كنّـه يلاعبـهـا
وإذا مالت ومال وتعدّى حـدود الشـال=لو إن معه قلب أوحيت روحه يجاذبهـا
يخاف إنّه يحوّل عقب كان بأفضل حـال=وهي ماينـوش الأرض ماعـاد ناسبهـا
هنوفٍ عيوفٍ من طغى حسنهـا تختـال=خلقهـا الله تعـذّب ولاأحـدٍ يعذّبـهـا
ومن قال لي بالغت باالوصف والأمثـال=أبقول رح وإصمـل وتلقـى عواقبهـا
أقوله وأنا من عزوةٍ تشـرب الفنجـال=ماهوب أنت لو كلّ الفناجيـل تشربهـا [/poem]