يا أبوي حبك وسط قلبي يبني كبار الصروح = يشهد على ما اقول علام الخفايا كلها
يا أبوي شوفك يبري العله وتشفى به جروح = ولا غبت دار ٍ ماتجيها مايظلل ظلها
أرتاح لا شفتك بخير و ضيقتي عني تروح = شوفك يكفيني عن الدنيا ومن في حلها
أنت الأبو و أنت الأخو و أنته رفيق ٍ لي نصوح = ياكم نصيحه منك جتني لين صرت أفطن لها
ياتاج راسي يا بعد روحي يا أبو قلب ٍ سموح = إن كان ما القيفان غنت فيك ليه أشلها
يمناك من فوق القمم بالطيبه دايم تلوح = واسمك على روس السطور العاليه محتلها
لك فالحشا حب ٍ كبير ٍ ما توفيه الشروح = تعجز بيوت الشعر عن وصفه بوسط سجلها
أنت الأمل عندي وبري فيك مابعده طموح = والطيبه منّك و من طيبك عرفت أدلها
من صغر سني مصغي ٍ لك دوم لا شفتك تبوح = يالشامخ اللي وقفته من فالعرب ياصل لها

شيخ ٍ وبابه ما يرد و دلته دايم تفوح = كريم و صفات الكرام الطيبه كفو ٍ لها