[frame="8 80"]لله دركم ياكبار
عدّ من عدّى على روس الرجوم وجرّ صوته
مرحبا ياشاعر ٍ له قدر فالقلب ومكانه !
لي ثلاث اسنين اعاين فالبحر واشوف حوته
وان نشدني واحد ٍ قلت البحر والحوت عانه
ياهـلا ياشاعـر ٍ راس المراجـل مايفوتـه
له من العلياء سنام .. وله عن الزله حصانـه
ليه يوم الله امر واعتق لسانك مـن سكوتـه
ملت مع حوت البحر .. ماملت مع لوله ودانه
العرب بسلومها والادمي يتعب لقوته
وان بغيت الصدق والله ..ماعلى الدنيا ضمانه
لاتعرّض ياعناد اعلومنا الناس الشموته
وانت لاهالحين مابين البرائه والادانه
لك مع الاحياء عمرين .. ومع الاموات موتـه
لايروعـك السـلاح .. ولاتهـاب الخيزرانـه
انت مدري ويش اخذت من الامام ومن قنوتـه
جيت في صدرك كلام .. ورحت ما أديت الامانه
النفيعي يوم شفته لابس ٍ بشته وكوته
قلت هذا حاضر ٍ كون المليدا والشنانه
راعي البستان عيّا فوق رمّانه وتوته
والعوض فالتوت والرمان حبّة برتكانه
الله الي حدد اوهن بيت .. بيت العنكبوته
غلطة الشاطر بعشر .. وآفة العيّه لسانـه
ياهل الطايف مادام اوراق الاشجار محتوته
كم بقى في الطايف المانوس رجال ٍ تكانه
والله انّا ماقربنا العنكبوت ولابيوته
بس قمت اتجيبها بين الميانه واللعانه
مير خلك وسط نجد وسج رجلك في خبوته
وش لزومك فالحجاز ان كان ماعندك ديانه
اسأل اكبر منك في مخبـاك للارقـام نوتـه
شدّة الوبّال بـ..ا بله .. تعجز الشاوي وضانه
وقف البحّـار فـي بحـر الخليـج بجيبلوتـه
ليه مدري .. بس قال البحر مغلـق للصيانـه[/frame]
|