سلطان بن حامد

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يا لابس المشلح على بالك يقولون ونعم=والاّ تبى من لبسة المشلح غرور وكبريا
والنعم زينة مير حولك مالها ماطأ قدم=وأزيدك من الشعر بيت ,الناس ماهم باغبيا
إن كان بيتك ما يعرف البنّ الاشقر والشحم=اكيد ما مرّت على مسمعك تبقى وتحيا
حيث ان تبقى وتحيا مدهالها بيت الكرم=ما شرّفت بيت البخيل اللي ما في وجهه حيا
الجود ما يطرح علم والبخل ما يرفع علم=والنور ما يقبل وجيه الاّ وجيه الأتقيا
اللي غناته طاعة الله والله انه ما ندم=واللي يحسبون الغنا بالمال ماهم باغنيا
يهدي بك الله رجل واحد خير من حمر النعم=فالساعة اللي ما يفيدك لا قريب ولا اخويا
الموت يفرس فالبشر فرس الذيابة فالغنم=ما دايم الا الله ما دايم لا ملوك ولا انبيا
والمرجلة ما جات عند اهل المراجل من عدم=الا بطردٍ مثل طرد البدو لبروق الحيا
والاّ الريا لو في علومٍ غانمة ما له طعم=ركعة بنيّة صادقة تسوى مية ركعة ريا
هذا الكلام اللي يقص العظم ويجذ ّ النسم=ان جاز لك لا بأس وان ما جاز في قلع النيا
لو يرفعونك فوق سلّم ما انت طايل يا قزم=الا ليا طالت خشوم الفطس في شرق آسيا[/poem]


^


على شان راكان

ابو مشهور

صح والله لسانك ملايييييين

دايم قصيدك له طابعه الخاص

وانا من الناس اللي يطربون لقصيدك يعلم الله

تقديري لك ،،

@s_7amd