[poet font="Simplified Arabic,4,darkblue,bold,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
هلا والفٍ هلا يامن وهبني في هواه اقدام=هلا يامن عطاني فرصةٍ للوصل مهديها
هلابك ياملاكٍ مالكٍ قلبٍ بحبه هام=هلابك ياشقيق الروح وامرها وناهيها
هلا يانسمةٍ في ليل نجد تداعب الارسام=هلا يانفحة ازهار الربيع اللي سرت فيها
هلا ياروعة ابداع الفنون بلوحة الرسام=هلا ياالدره اللي كل مال ما يلاديها
هلا يالهفة القلب العليل وبلسم الاسقام=هلا يابسمة الطفل النظيف ايلا ابتسم فيها
هلا ياغاية اشواق الغرام ومنتهى الاحلام=هلا يالهفة النفس الشفوق لشوف غاليها
هلا يامنبع احساس الضمير ومصدر الالهام=هلا ياشرهة ابيات القصيدة يوم اسويها
هلا يامنتهى حلم القصيد بلحظة الالام=هلا ياترجمة صدق المشاعر في معانيها
هلا دمعة حبيبٍ من جفا غاليه جرحه دام=هلابك رد فعله من معاناتٍ يعانيها
هلا ياغاية الشكوى هلا جبرة عزا المنظام=هلا يالوعة الهجران ياعبرات iiراعيها
هلا يا ازها تواصيف الجمال اللي عليك وسام=هلا يامن بقى ملح الطفوله كامنٍ فيها
هلا ياخف دم وظرف بالمعنا الصحيح التام=هلا ياحلا السجايا اللي بك الخالق موفّيها
هلا باكمل وصوف الحسن تكسي رايع الاجسام=هلا عقلٍ رزين وسيرةٍ تسمو مباديها
هلا عذب الكلام وحلو صوت ومنطق الاعلام=هلا يامبدي الطرفه ومالكها iوحاكيها
هلا حلو النبا نبع الوفى تاج الفخر لك شام=هلا ياعزة النفس الكريمه من معاليها
هلابك ياغذاب البيض عنهم لك مقرٍّ سام=هلابك شمس لا طلّت نجوم الكون تخفيها
هلا يامن يوشح ليله الحالك ضحى الايام=نهارٍ مشرقٍ حوله سدول الليل مرخيها
هلا يامن توارى وجنته في لحظة السلهام=كسى حمرة خجلها رمش عينه يوم يغضيها
هلا يامن بثغره ملتقى الاضداد باستسلام=تلاقى الشهد مع حب البرد مع جمر اشافيها
هلا ياطلة الوجه البشوش المحتشم بلثام=هلا نجل العيون الساحره لاسلهمة فيها
هلا حلو النقاب اللي على وردة خديدك نام=تحليه العيون الناعسه لحظة تجليها
هلابك ياسواليف النقا في مجلس الحكام=هلابك يامكاسر عودٍ ازرق من غواليها
هلابك عشق شيخٍ بالمراجل والوفى جزام=هلابك نوهة الشهم الكريم اللي معلّيها
هلابك واقعٍ زاهي سما عن تافه الاوهام=هلابك سيرةٍ عطره لباس الفخر كاسيها
هلابك مهرةٍ من خيل اصايل معربات كرام=هلابك شيخة المظمار فيه الخيل تتليها
هلابك واسعد الفرسان من علق عليك لجام=وشده في يده والفوز بك نفسه يهنيها
هلابك ياهنا عمر الشريك اللي وصاله دام=هلابك ياغناته في حياةٍ معك يقضيها
هلابك ياهلا كل الهلا حشمة نفوس حشام=هلابك بالقصيده من بدايتها لتاليها
[/poet]