|
،،،((أكفان الشهادة))،،،
[poem=font="traditional arabic,7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياوطنا دون حدك مطانيخ الجنود = لو نموت أفواج مايسهج الغاشم حماك
دافع الإيمان فأرواحنا مثل الوقود= والشرف كل الشرف لاسكنا في ثراك
سارحبك ياوطن فالقلوب وفالكبود= كل عرق في الحنايا تغذى من غلاك
الحدود مسيجة بالعزايم والصمود = والعمار تهون في نصرتك يوم الهلاك
نحمل أكفان الشهادة ولاعنها صدود= نرخص أرواح عطاها قليل مع عطاك
في ظلال البيرق اللي على راس العمود = نارد حياض المنايا ولانلحق جزاك
رهن اشارة من منحنا التقدم والصعود= نقطع يدين تعدت ومدت من عداك
والله انا حربة الموت من دون الحدود = صف واحد من ذخيرة تفانى في فداك
الولاء بعروقنا ورث من ورث الجدود= نثبته بافعالنا ياوطن حزة نداك
لادعى الواجب رقينا على العليا سنود = الرعد بكفوفنا والغضب بارق سماك
الشجاعة فالضماير مثل قدح الزنود = في صدورٍ غذيّت ياوطنا من هواك
ماتزعزعنا الدعاوي ولاكثر الحشود = دون طهرك نورد اهل الطمع حوض الدراك
لوطمع في مهبط الوحي لطّام الخدود = تنثني دونك رجال مداها من مداك
دامنا نسجد على أطهر ترابٍ فالوجود = ناذرين اعمارنا ياوطن والله معاك
كلنا من دون عزك على الجبهة نذود = لو نموت أفواج مايسهج الغاشم حماك
[/poem]
والله أن الرجل يمشي فالخلاء يتبع نياقـه=خير من شوفة رجالٍ ماتميز في خطاهـا
في زمانٍ علم العميان فالـروس الحلاقـة=وانقلب ميزان بقعاءعقب مادارت رحاهـا
واصبح الطيب وشوفه فالزمان أغلى شفاقه=للرجال اللـي تميزفالرجـال ومحتواهـا
smran0@hotmail.com
|