أدواي ماهو وصفة حبوب وأبر
ولا فيتامينات تكتبها إلي
لا تختم أوراقي ولا تصرف حبر
مايعرف المبلي ياكود المبتلي
ادواي عند اللي حجم خصره شبر
وإليا تخطى فيه من وصف الجلي
من كثر ماهو زين لا منه عبر
يتليه قلبٍ مخضر وقلبٍ خلي
ألعب عليه أول ويوم انه كبر
أصبح على ما يشتهي يلعب علي
كسر الخواطر وين أبلقى له جبر
والشوق له فالقلب نارٍ تصطلي
وأن كان يادكتور ماعندك خبر
هاك الخبر .. بلاش أمر الصيدلي
وافيه والله العظيم
ياخالد والله إنك مبدع وبيض الله وجهك
واسال الله إنه يكتب لك ما تريده
دمت بخير
|