ماهمني يا صاحب الرقم القياسـي فالصـدود
ان كان لك وجهه جديـده للغـرام تسوقهـا
ان كان مليت الحكايـات القديمـه والوعـود
ما عاد ابدفن زلتك واطفـي لهيـب حروقهـا
لا صارت اشواك الجروح بعالم الذكرى ورود
بكرا تحس بطعم حنظلها و غصـب تذوقهـا
ببقى وفيّه للغلا .. ماهمني نقـض العهـود
لو تضحك الدنيا على العشاق ملء شدوقهـا
وان جاتنا سطوة مزون البعد تسبقها رعـود
انا , من امس , اتوقع الفرقا واخيل بروقهـا
الله الله الله
هنا ابداع بكل ما تحمله الكلمه يا دارين ونصّ غير متواضع ابداً
صح لسانك وسلمتي
تحيتي واحترامي ومتابعتي
اخوك
|