منتديات المرقاب الأدبية - عرض مشاركة واحدة

#1 22-11-2009, 05:08 AM

السلام عليكم ورحمة الله وبركاته

قصيده جديده اتمنى ان ترقى لإذواقكم الراقية

اقول

[poem=font="traditional arabic,6,firebrick,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياصاحبي دام الغـلا مابينـي وبينـك سـراب = ماعـاد اخايـل كـل غيمـه وانتظـر همالهـا

الله حسيبك يوم طاب الوقـت كشـرت النيـاب = وانـا احسبنـك ماتسمّـع فالعـرب وجدالهـا

امسي على هم وشقى واصبح على هجر وعذاب = وان قلت هانت كبـرت العقـده علـى حلالهـا

الله ياطول العنا والله ياطول الغياب = مايرخص اغلا الناس في عيني ياكود اهمالها

امد لك كف الوصل وتمد مصقول النصاب = والقلب من كل الطعون الداميات اشتالها

احترت فيك ومنك ياريم المهاة الراس شاب = ماعاد باقي في يديني حيلة ٍ واحتالها

اعشقك ياكل الغلا عشق الثرى لوبل السحاب = لكن اشوف اغصان حبك مايظلّ ظلالها

اشقيت عينٍ ماتبات الليل ياسمح الجناب = كن الفراق اللي جرحت ابه الضمير خلالها

ياام الدلع ياام الحسن ياام السواليف العذاب = اللي كما الدر الثمين اقصارها واطوالها

ان كنت عني مقفي ً والحب في خاطرك ذاب = ونسيت عشرتنا القديمه وانتهى موالها

رح واعتبر قلب ٍ يحبك فالهوى حبك وتاب = فرقا ولا تجبر لنفسك نفس ماتحلالها
[/poem]

وســـلامتكم