.


.


.


.



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] طاري الذكرى على روحي يمون=لو تباعّده السنين اللافية !
كل ماهلّت من افراحي مزون=قلت يا ليل القلوب الجافية !
كنت اغنّي لك على كل اللّحون=ماتعاسرت بغلاك القافية !
دام مابيني ولابينك حصون=ليه تبحث في العلوم الخافية!
كل ماذقته من جروحك يهون=لو تبادلني بنظرة شافية !
انت لوتدري مكانك فـ. العيون=ماتخليني بدمعي غافية !
اروي الذكرى مثل ريّ الغصون=قبل لاتسري عليها السافية !
لاتساومنيّ بخيبات الظنوّن=والله اني من نفوسٍ وافية !
يامعذّبني ترى هذا جنون=كيف تقتلني وانا متعافية !
مير لامنّك تعجّلت الطعون=طعنةٍ وحدة تراها كافية ![/poem]
.


.


.


.
ملاك الشعر