|
ابيها في طرف جده لو انها قاع درب سيول !!
السلام عليكم ورحمة الله وبركاته
،
،
من المسئول لا قلنا يابو بندر من المسئول
مقدم لي على منحه ، ولكن ماش من منحه !
وانا ما في يديني شي وفقري زاد عرض وطول
اجانيب البلد ما عاد خلت ، فرصة ٍ سنحه
ابيها في طرف جده لو انها قاع درب سيول
ما دام الروح لاحلامي يابو بندر غدت سمحه
اساير مع مسيرات الليالي واقعي المجهول
ولا ادري وش بعد باقي ! عقب قلبي بكى جرحه
تقول ابواب حظي يا نديبي مقفله بقفول !
واذا للحظ الاعوج صرح يابو بندر فأنا صرحه
وحزني يجول في صدري والى من هاد عاد يجول
وطير الصبر وادعني عقب ما هو صفق جنحه
ابث اهمومي الغبرا واغني لشاشة المحمول
ولو اسرد بقايا البوح يطول اليوم بي شرحه
عسى ما ينهدم حلم ٍ بنيته فالليالي حول !
وانا والله قنوع ولا بقى في خافقي فرحه
لربي خاضع ٍ مذلول وكفي للسماء مفلول
عسى تجلى هموم القلب ولا تبقى بعد ترحه !
متعب فهد
|