مساكم الله بالخير
ماودي اطيل المقدمات
على ماقالو اللي من القلب للقلب[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يسامـح غـلاك اللـي مضيعنـي=ويسامح اشواقي اللـي منـت قابلهـا
وش ذنبي ان كان قلبـي مايطاوعنـي=دخلك في صندقـت روحـه وقفلهـا
اقول له طيعني ! ويقولـي طعنـي .!= اقول ذا النـار لاتدخـل ! ويدخلهـا
لانامو النـاس قـام يـون و وجعنـي= حبك ! وانا واللي متوهق ومتحصلهـا
في كل ليله مـع الاشـواق يجمعنـي=نسهـر بطاريـك لانسلـو ولا نلهـا
ياروح روحي حرام انـك تقاطعنـي=غيبتك ياغلى البشـر مانـي متحملهـا
خذنـي معـك للنهايـه لاترجعـنـي=عيشني احلى ليـال العمـر واجملهـا
وسمعني احلى كلام الحب وسمعنـي=وخلنـا نتذكـر علاقتنـا مـن اولهـا
وسولف علي يابعد روحي وطالعنـي=وخلني اسولف على عيونك واغازلهـا
وشغلني بسحـر نظراتـك و ولعنـي=ابنسى بها الكون والنـاس ومشاكلهـا
واجمعني بـدم شريانـك و وزعنـي=ابنتـشـر بالشرايـيـن ومداهلـهـا
عشـان لامـر فـي بالـك توادعنـي=تقطـع عروقـك وتقتلنـي وتقتلـهـا
ان ماذبحنـي غـلاك الله يقطعـنـي=لو كنت تقسى على روحي وتزعلهـا
لاجيت ابزعل عليك الشـوق يمنعنـي=ولا مع النـاس لـو ازعـل احثلهـا
يا اسما من الحب قلي الحب وش يعني=عطنـي اجابـتـك فسـرهـا وعللها
وقلي شسوي اذا ان الشـوق يدفعنـي=اكتب رسايل مـن الجـوال ورسلهـا
كتبتها فيـك وانـت الملهـم المعنـي=وغيـرك تجيهـا العشاشيـق تناقلهـا
قصايدن فيك من شـوق ن ممزعنـي=ولاحصلت غير . صح لسان قايلهـا .
يمكن بهـا الارض بكملهـا تتابعنـي=الا انت ياللي تساوي الارض بكملهـا
انا قبل لاعرفـك و الوقـت لايعنـي=ولله لـو انــك تـفـارق تكملـهـا
لوتعتذرلـي فبعـدك منـت مقنعنـي=ولافيـه داعـي تقصرهـا و اطولهـا
ان كنت بتـروح روح ولا تقاطعنـي=ياجعل مـن ميـل الدعـوى يعدلهـا
ماهي خطاتك خطات اللي ماطاوعنـي=ولا انا ادري بهـا نكبـه مـن اولهـا[/poem]