السلام عليكم ورحمة الله وبركاته


أقدم لكم هذي القصيدة واتمنى أن تحوز على رضاكم .....

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
أنا كل ما ناديت رد الصدى معروف = يكرر نداي وكلمتي مالها أمجيبي
على الفاتن اللي مالها فالوصوف أوصوف = تعدّت مجال الوصف بين الرعابيبي
عليها يرف القلب وأسمع قريع إدفوف = بصدري تقارع والهواجس تودّيبي
إذا قلت ولاّ بختصرها على المكشوف = تراوز مع كل الكواكب ولا تغيبي
ليامن طرتلي لاف قلبي عليها لوف = وطواني غلاها مثل طيّ المكاتيبي
وأنا لو بغيت من الثمر بقطفه وأحوف = ولو دونها البندق وروس المشاعيبي
دفعني عليك الشوق ياظامر السرجوف = وردعني ظميري يا عديم العذاريبي
وألا يا حبيبي ليتك تويق وسط الجوف = علشان تعرف ويش حبّك مسوّيبي
بنيت بظميري قصر وبيوت دون إسقوف = علشان أشوفك في ظميري وتدريبي
هذا وأنت تدري بالغلا لا يجيك الخوف = على كل هذا لايجي الشك والريبي
حفظت إسمك اللي ناقشه من ثلاث إحروف = بقلبي ولايدري سوا عالم الغيبي
مسكّر بقفل ولا يشاهد بمدّ الشوف = ظلوعي عليه مقوساتٍ محاديبي
على العهد باقي لو يمرّ الزمن ويطوف = ويظهر براسي شيب وبلحيتي شيبي
[/poem]
[/poem]