السلام عليكم جميع


من باب التواصل مرّروها
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

,

الونه اللي تراودني وانا مستخير = بس اتعوّذ من الشيطان وآردها

:
لو ان في خاطري لوعه وجرحٍ كبير = والنفس لو ودّها بالبوح ماودها

:

اغنيتني يالحزن ومن السعاده فقير = اقلع غناتك مابيها لعنبو جدها

:

مع كل صدمه تجي افز واقول خير = لو ماني بقدها اقول انا قدها
:

الوقت يمشي بنا ولكل منا مصير = ونعد الايام ثم نضيق من عدها
:

الوقت هذا يشيّب بالغرير الصغير = لن باشره بالمراره والعنا والدها

:
وان صار في موقفٍ ماله مفر ومطير = وقامت ترادف له الصقات ماصدها

:
عوّد على الونه اللي سوّها في الضمير = ثم قال شرهة دموع العين في خدها

:

تراه ولاّ وصار بوضع حده خطير = ومعذور عن ضيقته لن باح في سدّها


:
حالته هذي تقارب لي وانا عنه غير = لاني اكابر طعون الوقت واضدها

:
مع كل صدمه تجي افز واقول خير = لو ماني بقدها اقول انا قدها
[/poem]



وسلامتكم واسمحولنا على تواضعها