سلم على اللى مرابط في سما الخوبه
واللي علـى مدفعـه واللـي بدبابـه
واللي بدوريته واللي مسـك نوبـه
واللي بقمـة جبـل دخـان مرقابـه
واللي ركز راية التوحيد منصوبـه
خضرا ترفرف عزيزة ربـع منهابـه
هامات ماتنحني وأعمـار مجلوبـه
في بورصة الموت مجلوبـه وجلابـه
ياماحلى جـرة الحوثـي بعرقوبـه
حتى يعاف الحدود ويكـره أصحابـه
اصحابه اللي غدوله هـم وعقوبـه
اللـي ملـو جعبتـه بأحـلام كذابـه
هملق جت لجيش الفـرس مندوبـه
متخلطـه مـن حراميـة ونصـابـه
لويعرفـون السعـودي ماتمهزوبـه
ولا قـادوا ركابهـم للشـر بركابـه
باعوا (يمنهم) وعهد الجار خانوبـه
لين أونسو حرها من ضرب مخلابـه
راحت طوابيرهم خـذلا ومرعوبـه
وصفوف متشرذمه ونفـوس مرتابـه
جونا من الطيش في سكرة وغيبوبه
وأقفوا وكلٍ يعض مـن النـدم نابـه
دايـم وعـدوان بيـت الله منكوبـه
من عصر جيش أبرهه والفيل وأسرابه
اللي يبي سلمنـا نعطيـه مطلوبـه
السلم سلـم لنـا والشـرع وصابـه
جناتنـا وارفـه والنـار مشبوبـه
وبالخير حنـا لهـا وللشـر حرٌابـه
ومن جا مسالم نوفي حق ماجوبـه
ومن جا معادي لعنا جد مـن جابـه
لمساعد الرشيدي
|