مرحبا شاعرنا وحياك الله

ليت في صدري مخارج طوارئ للهروب
عند حـالات الطـواري تفـك ابوابهـا
لا ملت صدري همومي وضاق ٍ الجنوب
افتح ابواب المخـارج تطيـر اسرابهـا
صار قلبي منتجع هم مـن بيـن القلـوب
مـن بعيـد الـدار يمـه تشـد ركابهـا
كل ليل اودع قـروب واستقبـل قـروب
ماتغيـب الا يجـي مـن يسـد غيابهـا
اشعر انه مابقا هم فـي الدنيـا ماهـوب
غارسا ً في القلب خنجـر لحـد نصابهـا
مابلايـة قـل دنيـا ولا بعـد محبـوب
المصالـح كلهـا مـا حسبـت حسابهـا

الله الله يالشاعر

تمني وتصوير وابداااع ينطح السحاااب

عز الله قصيده تروي العطش

صح لسانك مليااار

تقديري’,,