احداث سجن ابوغريب اجحاف في حق العـراق
وبالاصل اهانت كل مسلم خـل عـاد اليعربـي
تعشـم الاسـلام فابنـاءه نتـج دمـا" يــراق
على بلادن كانت اصل بـلاد لاصحـاب النبـي
الى متى نطلـب ونرجـو عقـد يبـرم باتفـاق
يهدف الى سلامة الاسـلام مـن غـدر اجنبـي
ماينعقـد واذا انعقـد لابـد مايـحـدث شـقـاق
والقول دون فعـول مايثمـر حصيـل ومكسبـي
نشجب ونستنكـر وندعـو للتضامـن والوفـاق
والمسلميـن اموالهـا وديارهـا تسبـا سـبـي
على يديـن الفاسقيـن اهـل الزوابـع والنفـاق
لكـن بامـر الواحـد المعبـود تفشـل وتهبـي
حنـا هـل التوحيـد نبدابـه شعـار الانطـلاق
حلا" ليا ضاعت حلول السلـم صـار الانسبـي
لابد من يومـن يجـي للنـور اضـاءه وانبثـاق
فوق الرحاب اللي غـدا منهـا وعنهـا مختبـي
خيم عليها الحزن ليـن النـور طاولهـا الفـراق
واخفـى معالمهـا وخـلا الظلـم مايستغـربـي
صهيون متفرعن ويرسم حصرنا فاضيق نطـاق
واللي مايستشعر بليد احسـاس وشعـوره غبـي
خـلا فلسطيـن الابيـه فـي تشتـت واحتـراق
واردى العراق ارضا" على الاكواع يزحف ويحبي
استوطن الاوطـان والاعـراض بقيـود ووثـاق
تهتـك وتستعمـر وتستاخـذ بغـدر وتسلـبـي
والخوف يجتاح الصفوف اللي هزمهـا الافتـراق
اما رحمهـا الله قنصهـا مثـل قنـاص الضبـي
فريستن سهلـن تناولهـا علـى احـلا مايـذاق
قـدم الطيـور الجارحـه بجنـاح والا مخلبـي
وجـودهـا مايثبـتـه تمثـيـل فــن الادراق
والا بتوطيـد العـلاقـه والـكـلام الاعـذبـي
انجاز مايقـدر وصولـه غيـر زاكيـن العمـاق
اشاوسـا" سـارو مسيرتهـم بشـرع ومذهبـي
ال السعود اللي بنـو بالجيـش والخيـل السبـاق
مجدن لشعبـن مظلمـن جـوه وقاعـه مجدبـي
يدعالهـم بالخيـر دايـم والـولا معهـم يسـاق
واللي يشـذ ويخلـف الطاعـه جـزاه الاحدبـي
ياااااااااااااااااسلاااااااااااااااام عليك يابو محمد عزالله انك ابدعت ولا هو غريب عليك الابداع
صح لسانك مدد واعجابي الكبير
|