السلام عليكم ورحمة الله وبركاته

مساء الخير

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب والله ما ادانيه لله = لو كان مابيني وبينه علاقه

والا بعضهم حي زوله وطرياه = لو ما اعرفه بيني وبينه رفاقه

ماهيب مبنيه على المال والجاه = ومهايط اصحاب البشوت الرقاقه

اللي ليا شافو غني حبوا ايداه = ولسفرته ماهم بحاجة بطاقه

من شان ماله كنهم فالمحاماه = لو حظهم من زايد اكله اذواقه

كثر التبرك بالبشر والمغالاه = وعبادة الاصنام باسم الصداقه

من طاح ماء وجهه على شان دنياه = يكتب معوق في كشوف الاعاقه

الله ولا قرب الوجيه المهباه = اللي تعلّم في لحاها الحلاقه

طول النظر عند المغفل معاناه = يصك قدمه باب ويفك طاقه

حنا بعصر ٍ ناقل ٍ داه برداه = والانفتاحيه كما الانغلاقه

ما احد ٍ يقول ان المفاهيم ملغاه = لكن لها ماعاد للناس فاقه

وانا ما اطالب من هنا بالمساواه = ياصحابنا ياللي تبون السواقه

كل ٍ من العالم على مالله اعطاه = والضعف اهانه والتكبر حماقه
[/poem]



وسلامتكم