السلام عليكم ورحمة الله وبركاته ..

اقبلوها كما هي بعد اذنكم !

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]



ليت الزمان اللي حداني على اقصاي = يحسب لوقفة خاطري ويحشمني !
مما تشوف العين كم حاصت شواي = واللي كتم صوت الحقيقه كتمني
مالي عدو حتى تشمّت بي اعداي = واللي يعاديني ترى مافهمني !!
من كثر ما اجاوبك واغليك يالناي = الحزن بدموع اليتاما رسمني !
لوكان يدرون الجماعه بشكـــواي = محدٍ رحمني كان مالله رحمني
ماهـو ردا بعزاي واعــــز خوياي = عن حاجة المخلوق ربي فطمني !
انسى الذي قد راح واندم على الجاي= وحظي من أحلام السعاده حرمني
افكاري اكبر من خرافات دنياي = وعقلي مابين اضداد الاشياء قسمني !!
لوكـــــان ماجتني حياتي بمشهاي =لي نيةٍ بين الرجال تخدمني !
ان ضقت ارص الكوع من فوق مركاي =اما حسمت الضيق ولاحسمني !
وامـــد كفين الضراعه لمولاي = واطلب عسى رب العباد يعصمني
وعن درب الاخطا حاول اقصّر خطاي= كم درب احسبه صح لكن صدمني!
وان نمت نومة طفلٍ صغير برضاي=ما ازعل ولااحقد فوق من هوظلمني!![/poem]