[poem=font="Simplified Arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صاحبي ما هيب عنك الحقيقه خافيه=كل شئ ٍ ما يصير الزمـان يصيّـره
راحت الساحه نعيق وحراج ومافيـه=غادروها الانقياء أهل النفوس الخيّره
وأنت ياللي تحسب الشعر وزن وقافيه=الشعر ما هوب هذا وفهمـك غيّـره
الشعر نبض ٍ يهز ومشاعـر دافيـه=وحالة ٍ تلبسك مثل الجنـون محيّـره
آه يا بعض القصايد تجيـب العافيـه=مير متها تهتويـك وتجيـك مسيّـره
كل ما حاولت أجمع شتـات الجافيـه=خالفتنـي كنهـا الجافـل المتذيّـره
كان ما جت كنها المزنـه المترافيـه=بيتها النافر وش أمرك عليه تضيّـره
والله ان بيتين الابداع عنـدي كافيـه=والطوال الفارغـه فالمقـام قصيّـره
وان عشقت الوافيه وان طلبت الوافيه=استنير بحكمة أهل العقـول النيّـره
ارد ميراد القطـا للعـدود الصافيـه=ومن ورد للعـد لا تذعـره وتطيّـره
شاعر ٍ يرسم ويكتب بيوت ٍ شافيـه=وناظم ينظم وكـن القصيـد يعيّـره
قل للأول صح فكرك يامـال العافيـه=وقل للأخر طيع شورى وفهمك غيّره[/poem]

المقصود بالساحه هي الساحه الشعبيه