[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا عتيم الليل في خاطري هرجه= لو حجبها الصمت عن بوح الايامي
مع سدولك هاجسي يقطع الفرجه = كل ما اشتاق ابيض الطرس لـــ.. اقلامي
ومع سكونك مهرتي جتك منسرجه= استباح اعنانها مصدر الهامي
ضرب حافرها على البيد مدّرجه = بندقٍ ما كذبت في يد الرامي
من عيون الناس ما هيب منحرجه= لا بدت تسمو مع الماقف السامي
لا نشف ريق الحكي جالها خرجه=تستلذ لضرب صم الصخر حامي
كنها بين المعاليق منكرجه = اطعم من الماء على شفة الضامي
لو زوايا الصدق ما هيب منفرجه= ماتت الكذبه ولو عرقها نامي
الضماير موتها موتة الحرجه= والقلوب امست وهي جرحها دامي
تحت عز النفس للنفس مندرجه= لو تموت وحظها ما بعد قامي
كل ما ضاقت مع الوقت منفرجه= لو سراب الصيف من دونها زامي
[/poem]