بعد اصرار من مرقابي غالي جداً ويتصدر قائمة الغالين ايضاً خارج المرقاب , بأن أنزل قصيدتي التي شاركت بها ببرنامج شاعر المليون ( مكتوبه ) هنا .. وهاهي ..

:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] هام قلبٍ ضيقته مصدر افراحه=وغاب فكرٍ ماخذ مْن الهوى لونه
والوفا لا خـان صاحبْه ذبّاحه=وكذبةٍ بالصدق حيّه ومدفونه
من ورى المعنى كفخ شعْر بجْناحه=مخلبه قصدي وصيدتْه مضمونه
جيت لك مكتوب يا شاطي الراحه=شاعرِك أبكى كثيرين يقرونه
مبدأه ثابت شِف الوقت برْياحه=ما قدر للجذع كسّر من غْصونه
عادته لا مرّ هاجسْه بجْراحه=صيّر العِقّيل غاوين بجْنونه
بابه المقفول مفقود مفتاحه=وخلف بابه كل الأسرار مسجونه
معركتْه المجتمع..فِكره سْلاحه=والنصر وارد وهمّـتْه مشحونه
دلّت نيوتن على المجد تفاحه=طاحت وكانت ولاده لقانونه
يا صديق الأمس في طارف الساحه=أو عدو اليوم جو أمس وشلونه؟
ما وحشك الفقْر وموايق اشباحه؟=شفني اشبع جوع والفقر ما آخونه
الرصيف ايْحنّ والحزْن يجتاحه=لو قدرنا نجتمع يوم من دونه
من بياض قْلوب لنْفوس مزّاحه=ناس رغم القلّ بالجود مسكونه
ليه يا ورده تكونين فـوّاحه=وانتي بروضٍ قـفِر ما يمرّونه
كم يموت انسان ما نايحٍ ناحه=غير اخوه ولا لقى من يعزّونه
يفرك المبلي من الضيق مسباحه=ولا تشاور طيحة دْموعه عيونه
الغدير ونخْلته شكّـلوا واحه=والفقير ولوعته مثّـلوا هُونه
قاد تايه في دجى الليل مصباحه=وتاه قايد تتبع أقدامه ظْنونه
قلت ما يغني غموضه عن ايضاحه=والهقاوي عند الآمال مرهونه[/poem]

: